"Манчестер Сити" жамоасининг энг қиммат трансферлари билан танишамиз.
Хорватиялик Йошко Гвардиол футбол тарихидаги энг қиммат ҳимоячига айланди - унинг трансфери шаҳарликларга 90 миллион еврога тушди. Бироқ бу клуб учун рекорд трансфер эмас. “Stadion.uz” инглиз клубининг энг қиммат 5 та трансферини тақдим этди.
Жек Грилиш
Қаердан: "Астон Вилла"
Қачон: 2021 йил
Трансфер суммаси: 117,5 миллион евро
2021 йилнинг августида англиялик футболчи "Манчестер Сити"га кўчиб ўтди. Трансфер суммаси 100 миллион фунт стерлингни (117,5 миллион евро) ташкил этди, бу нафақат "шаҳарликлар", балки Британия футбол клублари учун ҳам рекорд ҳисобланади. Шартнома муддати - 6 йил.
Йошко Гвардиол
Қаердан: "РБ Лейпциг"
Қачон: 2023 йил
Трансфер суммаси: 90 миллион евро
2023 йилнинг 5 август куни “Сити” Хорватия терма жамоаси ҳимоячиси трансферини эълон қилди. Битим 90 миллион еврони ташкил қилди. Шу тариқа, Гвардиол бу рўйхатда Виржил ван Дейк ва Харри Магуайрни ортда қолдириб, тарихдаги энг қиммат ҳимоячига айланди.
Кевин де Брюйне
Қаердан: "Вольфсбург"
Қачон: 2015 йил
Трансфер суммаси: 76 миллион евро
2015 йилнинг 30 августида Кевин “Вольфсбург”, “Вердер” ва “Генк” клубларида ўйнаб, Англияга қайтди ва “Манчестер Сити” билан шартнома имзолади. Ўшанда бу клубнинг энг қиммат хариди ва Премьер-лига тарихидаги иккинчи энг қиммат харид эди - трансфер суммаси 76 миллион еврони ташкил қилган.
Рубен Диаш
Қаердан: "Бенфика"
Қачон: 2020 йил
Трансфер суммаси: 71,60 миллион евро
Португалиялик футболчи 2020 йилнинг сентябрида "Манчестер Сити"га кўчиб ўтганди. Трансфер суммаси 68 миллион еврони ташкил қилди. Бундан ташқари, унинг собиқ жамоаси ҳимоячининг янги клубидаги натижаларига кўра қўшимча 3,6 миллион евро бонус олишга умид қилиши мумкин.
Родри
Қаердан: "Атлетико Мадрид"
Қачон: 2019 йил
Трансфер суммаси: 70 миллион евро
2019 йилнинг июль ойида "Манчестер Сити" испаниялик футболчининг шартномасида ёзилган товон пулини тўлаган. Бу 70 миллион еврони ташкил этди. 2023 йилда эса айнан Родри Чемпионлар лигаси финалида "шаҳарликлар"нинг ягона голи муаллифи бўлди ва ўз жамоасига тарихда илк бор турнирда ғалаба қозонишига ёрдам берди.
