"Атлетико Мадрид" бош мураббийи Диего Симеоне жамоага янги келган Сесар Аспиликуэтанинг аҳамияти ҳақида гапирди.
33 ёшли ҳимоячи бир ой олдин Лондоннинг "Челси" клубидан эркин агент сифатида "матрасчилар" сафига қўшилганди.
"Сесар биз учун жуда муҳим. У ҳар доим курашади, борини беради ва жамоага ёрдам бериш учун қўлидан келганини қилади. У керак бўлганда ҳам марказда, ҳам қанотда ўйнашга тайёр, буни "Севилья" билан ўртоқлик учрашувида кўрсатди. У вазиятларга тўғри жавоб бера олади ва "Атлетико"га бундай одамлар керак", - дея Симеоненинг сўзларидан иқтибос келтирди журналист Альфредо Педулла.
