"Манчестер Сити" бош мураббийи Хосеп Гвардиола Коул Палмернинг истиқболлари ҳақида гапирди.
21 ёшли футболчи якшанба куни бўлиб ўтган Англия Суперкубоги доирасида "Арсенал"га қарши ўйинда "шаҳарликлар" голининг муаллифига айланди, аммо бу Гвардиола жамоасига ғалаба қозонишга ёрдам бермади - "канонирлар" ҳисобни тенглаштиришди, кейин эса пенальтилар сериясида ғалаба қозонишди.
"Биламан, Коул ўтган мавсумда кўпроқ ўйнашни хоҳлаган. Биз унга катта ишонч билдирамиз. Биз унинг агенти билан вазиятни муҳокама қилишимиз керак.
Агар у қолишга қарор қилса, ажойиб бўлади, чунки биз уни топ футболчи деб ҳисоблаймиз. Агар у кетган тақдирда биз бунга тўғри ечим топамиз", - дея Гвардиоланинг ўйиндан кейинги баёнотидан иқтибос келтиради инсайдер Фабрицио Романо.
