Ўзбекистон ёшлар терма жамоасининг БААда бўлиб ўтаётган Осиё чемпионатидаги муваффақияти Қозоғистоннинг Sportinfo.kz сайти ходимларининг ҳам эътиборини тортди.

"Шу кунларда БААда 19 ёшгача бўлган футболчилар ўртасида Осиё чемпионати давом этмоқда. Ўзбекистон чорак финалда Сурия билан учрашди ва пенальтилар сериясида ғалаба қозониб, ярим финалга чиқди. Бу ўрин эса уларга Туркияда бўлиб ўтадиган ЖЧ-2013да иштирок этиш имконини беради. Ўзбекистонлик болаларнинг бош мураббийи икки йилдан бери маҳаллий мутахассис Аҳмад Мусаев ҳисобланади. Қозоғистонда барча ўсмирлар ва ёшлар терма жамоаларини маҳаллий мутахассисларга топшириш вақти келмадимикан? Наҳотки сербиялик Крчмаревич, россиялик Соловьев ва чехиялик Травник бошчилигидаги жамоаларимизнинг яқинда бўлиб ўтган барча мусобақалардаги муваффақиятсизлиги бизнинг раҳбарларга ҳеч нарсадан дарак бермаётган бўлса? Улар ўз эътиборларини хорижий мутахассислардан ўзгартиришни исташмайдими?", дея ёзади сайт мухбири.