"Челси" бош мураббийи Маурисио Почеттино жамоасига Душан Влахович керак эмас деган қарорга келди.
"Ювентус"га тегишли сербиялик ҳужумчи туринликлар томонидан сотиб олиниши кутилаётган Ромелу Лукаку эвазига "кўклар" сафига қўшилиши мумкин эди. The Guardian нашрининг ёзишича, Почеттино Влаховични таклиф қилиш фикридан воз кечган. Аргентиналик мутахассиснинг фикрича, "Челси"да аллақачон етарлича ҳужумчилар бор ва айни дамда Лондон клуби бор эътиборини ҳужумкор ярим ҳимоячи топишга қаратган.
Transfermarkt экспертлари Душан Влаховичнинг нархини 70 миллион еврога баҳоламоқда. "Ювентус" 23 ёшли футболчи эвазига нафақат Лукаку, балки тахминан 40 миллион евро ҳам олмоқчи эди.
