"Барселона" ҳужумчиси Ансу Фатига "ПСЖ" томонидан қизиқиш билдирилмаяпти.
20 ёшли футболчининг "Барселона"даги келажаги яна жиддий шубҳа остида қолмоқда, чунки жамоа бош мураббийи Хави Эрнандес билан унинг муносабатлари яхши эмас. Испаниялик футболчига даъвогарлардан бири "ПСЖ" деб қаралган, аммо ҳужумчининг атрофидагилар бу маълумотни рад этишган, деб хабар беради журналист Жерар Ромеро. Бироқ, манбага кўра, вазият кескин ўзгариши мумкин.
Ансу Фати ўтган мавсумда "Барселона" сафида 51 ўйинда майдонга тушиб, 10 гол ва 4 голга ассистентлик қилган. Футболчининг амалдаги шартномаси 2027 йилда якунланади.
