"Арсенал" дарвозабони Метт Тёрнер Англия Премьер-лигасидан бошқа жамоага ўтишга яқин турибди. Журналист Фабрицио Романонинг ижтимоий тармоқларда хабар беришича, "Ноттингем Форест" аллақачон америкалик дарвозабон учун тиббий кўрикдан ўтишни режалаштирган.
Олдинроқ "ўрмончилар" Тёрнер учун 8 миллион евро тўлаши хабар қилинганди. Бугун дарвозабон "Ноттингем Форест" базасида тиббий кўрикдан ўтади ва клуб билан шартнома имзолайди.
"Арсенал" Тёрнердан тушган маблағни тахминан 38 миллион еврога баҳоланган "Брентфорд"дан Давид Раяни трансфер қилиш учун ишлатмоқчи.
