Италиянинг “Торино” клуби хорватиялик ярим ҳимоячи Никола Влашичнинг “Вест Хэм Юнайтед”дан тўлиқ трансфери учун 12 миллион евро тўлайди. Бу ҳақда журналист Фабрицио Романо маълум қилди.
Қайд этилишича, клублар футболчининг трансфери борасида келишувга эришган.
Ўтган мавсумда Никола Влашич "Торино"да ижара асосида ўйнаганди. Эслатиб ўтамиз, италияликлар 2022/2023 йилги мавсум охирида 15 миллион еврога сотиб олиш вариантини фаоллаштириши мумкин эди, бироқ хорватни арзонроқ нархда қўлга киритишга ҳаракат қилишди.













