Миланнинг "Интер" клуби "Сампдория"нинг 26 ёшли дарвозабони Эмил Аудерони иккинчи дарвозабон сифатида ўз сафига қўшиб олади, деб хабар беради Фабрицио Романо ўзининг ижтимоий тармоқларида. Унинг қайд этишича, икки италиялик клуб дарвозабоннинг трансфери борасида деярли келишувга эришган.
"Интер" Аудерони фақат клубга келиб қўшилган Янн Зоммернинг захирадоши сифатида кўрмоқда. Эслатиб ўтамиз, "Интер" душанба оқшомида Зоммернинг трансферини эълон қилган эди. Швейцариялик футболчи "Бавария"дан кўчиб ўтди ва "нерадзурри" билан 3 йиллик шартнома имзолади.
