"Манчестер Сити" ўз ҳимоячиси Кайл Уокерга "Бавария" билан бир хил шартларда шартнома таклиф қилди. "Шаҳарликлар" англиялик футболчига яна бир йилга узайтириш имконияти билан икки йиллик шартнома таклиф қилишди.
Журналист Фабрицио Романонинг фикрича, Уокер энди “Бавария” ва “Манчестер Сити”дан бирини танлаши керак. Мюнхенликлар бош мураббийи Томас Тухель фаол равишда Кайлни ўз жамоасига чақирмоқда, аммо якуний қарор ҳали қабул қилингани йўқ.
Уокернинг "Манчестер Сити" билан амалдаги шартномаси бир йилдан кейин тугайди. Аввалроқ, "шаҳарликлар»" Кайл билан шартномани бир мавсумга узайтиришга тайёр эди, аммо "Бавария" босими остида улар футболчига узоқроқ шартнома беришга рози бўлишди.
