Премьер-лига клублари сардорлари баъзи ўйинлар олдидан тиз чўкишларини айтишди.
Айниқса, футболчилар АПЛнинг очилиш ва финал босқичи олдидан тиз чўкадилар. Бу октябрь ва апрел ойларида "Ирқчиликка жой йўқ" дастури доирасида ўтказиладиган баъзи ўйинларга ҳам тегишли.
Сардорлар "футболда ёки умуман жамиятда камситишларга ўрин йўқ деган фикрда бирлашганликларини" айтишди.
"Биз турли хилликни нишонлаш ва ирқчиликка қарши курашда ёрдам кўрсатиш учун платформамиздан фойдаланишга содиқмиз.
Шундай экан, келгуси мавсумнинг муҳим дақиқаларида тиз чўкиб бирдамлик кўрсатишда давом этамиз. Ўйин муваффақиятида хилма-хиллик муҳим роль ўйнайди ва биз одамлар миллати ва келиб чиқишидан қатъий назар, бошқаларни ҳурмат қилишлари керак, деб ҳисоблаймиз", — деди сардорлар.
