"Интер"нинг бўлажак янги футболчиси Лазар Самарджич эртага кечқурун Миланга етиб келади ва пайшанба куни "нерадзуррилар"нинг янги футболчиси сифатида тиббий кўрикдан ўтади. Бу ҳақда Фабрицио Романо ижтимоий тармоқларда хабар берди.
"Бўлажак келишув ҳеч қачон шубҳа остида эмас эди" - деди Романо.
Эслатиб ўтамиз, 21 ёшли сербиялик футболчи ҳозирда "Удинезе"га тегишли. Ярим ҳимоячи ўтган мавсум А Серияда 37 та ўйинда майдонга тушиб, 5 та гол урди ва 4 та голли узатмани амалга оширди. Ёш футболчи марказий ва ҳужумкор ярим ҳимоячи позицияларида ўйнайди.
