"Барселона" бош мураббийи Хави Эрнандес "ПСЖ" ҳужумчиси Неймарнинг трансфери ҳақида фикр билдирди.

Сўнгги кунларда тарқалган миш-мишларга кўра, каталониялик гигант бразилиялик юлдузни сотиб олиш имконияти билан ижарага олиши мумкин.

"Бошқа клубларда ўйнаётган футболчилар ҳақида гап кетганда, аниқ бир нарса дея олмайман. Келинг, 31 август куни трансфер ойнаси ёпилгунига қадар нима қилишимиз мумкинлигини кўриб чиқайлик, аммо ҳозирча мен ҳеч ким, жумладан Неймар ҳақида ҳеч қандай фикр билдирмаяпман", - дея испаниялик мутахассис сўзларини келтиради инсайдер Фабрицио Романо.

Баъзи маълумотларга кўра, Неймарнинг ўзи яна "Барселона"да ўйнашни хоҳлайди.