Саудиянинг “Ал-Ҳилол” клуби “ПСЖ” ҳужумчиси Неймарни ўз сафига қўшиб олмоқчи, дея хабар бермоқда L'Equipe нашри.

Манбага кўра, клуб бу харид учун катта маблағ сарфлашга тайёр. L'Equipe аввалроқ Неймар "ПСЖ"ни тарк этиб, "Барселона"га қайтишни истаётганини маълум қилганди, аммо отаси бунга қарши "L'Equipe - бу L’Efake" деб жавоб берди.

FootMercato нашри хабарига кўра, Саудия клуби Неймарга 300-400 миллион евро маош таклиф қилган, аммо клубнинг номи хабарда айтилмаган. 31 ёшли бразилиялик футболчи ўтган мавсумда "ПСЖ" сафида 29 ўйинда майдонга тушди. Унинг ҳисобида 18 та гол ва 17 та голли узатма бор.