"Барселона" ҳимоячиси Серги Роберто Каталония клубининг янги мавсумдаги мақсадлари ҳақидаги саволга жавоб берди.
"Мен сизни алдамайман, Чемпионлар лигаси сўнгги йилларда содир бўлган воқеалардан кейин асосий мақсадлардан бири. Кўп орзуларимни рўёбга чиқарган бўлсам ҳам, сардор сифатида кубокни кўтариш ўзгача нарса бўларди", - деди Роберто Mundo Deportivo билан суҳбатда.
31 ёшли футболчи ўтган мавсумда барча мусобақаларда 33 та ўйинда майдонга тушиб, 4 та гол урди ва 3 та голли узатмани амалга оширди.
Эслатиб ўтамиз, 2022/23 йилги Чемпионлар лигасида "Барселона" турнирнинг плей-офф босқичига чиқа олмади.
