Мадриднинг “Атлетико” клуби собиқ ҳимоячиси Диего Годин Жоау Феликснинг ҳолати ҳақида ўз фикрлари билан ўртоқлашди.
Португалиялик ҳужумчи ёзги трансфер ойнаси ёпилгунча клубини ўзгартирмоқчи. Яқинда у "Барселона"да ўйнаш истагини очиқ эълон қилди, бу "Атлетико"нинг жаҳлини чиқарди.
“Феликс билан муаммо унинг эгосидир. Симеоне учун жамоа ҳар қандай индивидуал футболчидан муҳимроқ ва Жоауда бу борада муаммолар бўлса ажаб эмас. У жуда қобилиятли футболчи, лекин у ҳеч қачон мураббийга ҳам, жамоага ҳам яқин бўлмаган. Феликс ўз нафсини клубдан, мухлислардан ва мураббийдан устун қўяди", - дея уругвайлик собиқ футболчининг сўзларидан иқтибос келтиради журналист Альфредо Педулла.
