Мадриднинг “Атлетико” клуби бош мураббийи Диего Симеоне Альваро Моратани жамоаси сафида сақлаб қолиш ниятида эканлигини маълум қилди.

“Матрасчилар” билан шартномаси 2023/24 йилги мавсум охирида тугайдиган 30 ёшли ҳужумчига “Интер” ва “Рома” клублари қизиқиш билдирмоқда.

“Бу мавсумда Моратани “Атлетико”да қолдиришга иккиланмайман. У ўзининг олдинги кўрсаткичларидан ошиб кета олади. Илгари у кўп голли вазиятларга эга бўлган, аммо барчасини голга айлантира олмади. Унинг ёши ва жамоадошларини ҳисобга олсак, ҳозир ҳаммаси бошқача бўлиши мумкин. Менимча, у 18 та гол уриш вақти келди", - дея Симеоненинг сўзларини келтиради Marca.

Альваро Мората ўтган мавсумда Ла Лигада 36 та ўйинда майдонга тушиб, 13 та гол уришга муваффақ бўлди.