Madridning “Atletiko” klubi bosh murabbiyi Diyego Simeone Alvaro Moratani jamoasi safida saqlab qolish niyatida ekanligini ma’lum qildi.
“Matraschilar” bilan shartnomasi 2023/24 yilgi mavsum oxirida tugaydigan 30 yoshli hujumchiga “Inter” va “Roma” klublari qiziqish bildirmoqda.
“Bu mavsumda Moratani “Atletiko”da qoldirishga ikkilanmayman. U o‘zining oldingi ko‘rsatkichlaridan oshib keta oladi. Ilgari u ko‘p golli vaziyatlarga ega bo‘lgan, ammo barchasini golga aylantira olmadi. Uning yoshi va jamoadoshlarini hisobga olsak, hozir hammasi boshqacha bo‘lishi mumkin. Menimcha, u 18 ta gol urish vaqti keldi", - deya Simeonening so‘zlarini keltiradi Marca.
Alvaro Morata o‘tgan mavsumda La Ligada 36 ta o‘yinda maydonga tushib, 13 ta gol urishga muvaffaq bo‘ldi.
