«Real»ning sobiq himoyachisi Fabio Kannavaro Madrid klubining 2007/08 va 2025/26 yillardagi tarkiblarini o‘zaro taqqosladi. Hujumchilar haqida gapirganda, italiyalik mutaxassis Rud van Nistelroyni Kilian Mbappedan yuqori qo‘ydi. Bu haqda Primevideosportit xabar bermoqda.
Niderlandiyalik hujumchi 2006 yildan 2010 yilgacha «Real» sharafini himoya qilgan. Shundan so‘ng u «Gamburg» va «Malaga»da o‘ynab, 2012 yilda faoliyatini yakunlagan. Van Nistelroy madridliklar tarkibida ikki marta La Ligada g‘olib chiqqan.
E’tiborli jihati shundaki, o‘sha mavsumlar (2006/07 va 2007/08) hozircha «Real» ketma-ket ikki marta Ispaniya chempioni bo‘lgan so‘nggi yillar bo‘lib turibdi. Mbappe 2024 yildan beri «Real»da o‘ynamoqda, ammo Kilian hali klub bilan La Ligada zafar quchgani yo‘q.
