"Арсенал" ярим ҳимоячиси Жоржиньонинг агенти Жоау Сантос ишонч билан унинг мижози ёзда Микель Артета жамоасида қолишини айтди. Эслатиб ўтамиз, италияликнинг "канонирлар" билан шартномаси бир йилдан кейин тугайди.
"Ишончим комилки, мижозим бу ёзда "Арсенал"да қолади. У Англияда бахтли. Келинг, нима бўлишини кўрамиз. Менга Испания ва Саудия Арабистонидан қўнғироқ қилишди. Бу мамлакатлар клублари Жоржиньога қизиқиш билдиришган, аммо у "Арсенал"да қолади. Ҳаммаси аллақачон ҳал қилинган”, - дея агентнинг сўзларидан иқтибос келтиради италиялик инсайдер Фабрицио Романо.
Жоржиньо январь ойида "Челси"дан "Арсенал"га бир ярим йиллик шартнома асосида келиб қўшилган эди.
