"Ан-Наср" ҳужумчиси Криштиану Роналду Саудия Арабистонида ҳибсга олиниши мумкин.
Italy 24 Press News нашри хабарига кўра, 38 ёшли футболчи гол нишонлаш пайтида қилган ишораси туфайли панжара ортига ташланиши мумкин.
"Ал-Шорта" клуби дарвозасига зарба йўллаган Роналду ўз динига мувофиқ чўқинди. Саудия Арабистонида насронийлик эътиқодига алоқадор имо-ишораларни оммавий намойиш қилиш жиноят ҳисобланади.
Шу билан бирга, Роналдунинг ҳибсга олиниши эҳтимоли пастлиги қайд этилган. Катта эҳтимол билан, португалиялик футболчини келажакда бундай қилмаслик ҳақида шунчаки огоҳлантирилади.
Эслатиб ўтамиз, Роналдунинг голи “Ан-Наср”ни Араб чемпионлар кубоги финалига олиб чиқди.
