"Манчестер Юнайтед" марказий ҳимоячиси Лисандро Мартинес бош мураббий Эрик тен Хагни биринчи мавсуми учун мақтади.
Эслатиб ўтамиз, "қизил иблислар" сўнгги мавсумни Премьер-лигада учинчи ўринда якунлаган, шунингдек, Лига кубогини ҳам қўлга киритганди.
"Тен Хаг "Манчестер Юнайтед"да ажойиб иш қилди. У яхши қарорлар қабул қилди. Бизнинг рўйхатимизда ажойиб ўйинчилар бор. Биз бирга ишлаётганимиздан жуда хурсандмиз", - деди Мартинес "қизил иблислар" расмий сайтига.
Мартинес аввалроқ Амстердамнинг "Аякс" жамоасида тен Ҳаг билан ишлаган. “Манчестер Юнайтед” янги мавсумни 14 август, душанба куни “Вулверхэмптон"га қарши уй учрашуви билан бошлайди.
