«Бёрнли» кеча яхши, рақиб «Манчестер Сити» эканидан келиб чиқсак, жуда яхши ўйнади. Бир қараганда, АПЛда яхшигина бошоғриғи бўлиши мумкиндек. Бунга «Бёрнли» ўтган йили Чемпионшипни «ёриб ташлагани», ҳар жабҳада энг яхши кўрсаткичга эга бўлиб, бир бош устун футбол кўрсатганини қўшсак, тайёр асос.

Аммо биз буни кўрганмиз. «Норвич» билан ҳатто икки марта. Жамоа ўзига хос услуби билан Чемпионшип ғолиби бўлган ва ўша таркиб билан АПЛни забт этишга киришган. Натижа маълум.

«Бёрнли» кеча ўртача ёши 23 атрофида бўлган таркибда тушди, бу бир. Кечаги асосий таркибда фақат Бергеда бир мавсум кучлм бешлик тажрибаси бор, уям «Шеффилд» билан. Қолган барча ўйинчиларнинг кучли бешлик лигалардаги умумий ўйинлар сони - 29.

Бу билан АПЛда рақобат қилиш имкони борми? Қийин. Ўтган йили лигадан тушиб кетган жамоалар таркибини қаранг, масалан. Меддисон, Тилеманс, Барнс, Лавия...Тушиб кетишига сал қолган «Вест Ҳэм»нинг бир эмас икки футболчиси юз миллион ортиқ баҳоланди. Солиштиринг.

«Ноттингем» ўттиз нафар янги трансфер қилгани албатта, футболга хиёнат, аммо мантиқ тушунарли, якунда айнан ўша тажриба жамоани сақлаб қолганди. Компани яхши мураббий, «Бёрнли» анча ёқимли футбол кўрсатмоқда, аммо агар август охиригача бир нечта яхши харидлар бўлмаса, билмадим, АПЛда қолиш учун росаям омад келиши керак.

Қаҳрамон Асланов.