"Барселона" Усмон Дембеленинг трансферидан аввалига режалаштирилганидан кўпроқ маблағ олади.
Аввал хабар қилинганидек, вингернинг "Барселона" билан шартномаси шундай тузилганки, 50 миллион евролик опция фаоллашгандан сўнг, клуб бу сумманинг фақат ярмини олади. Қолган 25 миллион евро эса футболчига кетиши керак эди.
Бироқ, Diario Sport ёзганидек, "Барселона" бу шартни ўзгартиришга муваффақ бўлди - клуб раҳбарияти Дембеленинг кетиш истаги борлигини билган пайтдан бошлаб бунинг устида ишлади. Бунинг эвазига "Барселона" "ПСЖ"дан 34,5 миллион евро олади.
Каталонияликлар Дембеленинг атрофидагиларга босим ўтказишди. "Барселона" директори Матеу Алеманининг футболчи вакилларига айтишича, клуб фикрича, Дембеле каталонияликларга судга мурожаат қилиш ҳуқуқини берувчи шартномани бекор қилиш бандини фаоллаштириш шартларини бузган. "Барселона" трансферни кечиктириб, Усмонни клуб билан қўшимча бир неча кун машғулотларга ўтказишга мажбур қилди.
Бу ҳаракатлари эвазига "Барселона" ўз тақдирини яхшилашга муваффақ бўлди, бу эса янги келганларни рўйхатга олишда ижобий таъсир кўрсатади.
