Мадриднинг «Реал» клуби ҳимоячиси Эдер Милитао Ла Лиганинг 1-турида «Атлетик»га қарши ўйинда олган жароҳати туфайли узоқ вақт касалхонага ётқизилиши мумкин.
Marca нашри хабарига кўра, бразилиялик футболчи тиззасининг хоч-буғимларидан жароҳат олганлиги тахмин қилинмоқда. Милитао жароҳати туфайли биринчи бўлим бошида майдонни тарк этди.
Аввалроқ худди шундай жароҳат билан «қироллик» клубининг биринчи рақамли посбони Тибо Куртуа сафдан чиққанди.
Бильбаода Мадриднинг «Реал» клуби 2:0 ҳисобида ғалаба қозонди. «Қаймоқранглилар» сафида голларга Родриго ва Жуд Беллингем муаллифлик қилишди.
Мадридликлар навбатдаги ўйинни сафарда «Альмерия»га қарши ўтказади.
