Мадриднинг «Реал» клуби ярим ҳимоячиси Жуд Беллингем муваффақиятли дебютидан сўнг журналистлар билан суҳбатлашди.
20 ёшли инглиз футболчиси 36-дақиқада «қаймоқранглилар»нинг иккинчи голини уриб, жамоасининг «Атлетик» устидан 2:0 ҳисобида ғалаба қозонишига муҳим ҳисса қўшди.
«Махсус кеча. Энг муҳими, ғалаба қозондик. Барча жамоадошларим билан ўзимни жуда қулай ҳис қилдим.
Бугун биз устунлик қилдик, вазиятлар яратдик, аммо иккинчи бўлимда кураш кўпроқ бўлди. Гол билан бўлган эпизодда менга бироз омад кулиб боқди: тўпни унчалик тўғри йўллаганим йўқ, аммо, хайриятки, у барибир дарвозага кирди», - дея Беллингемнинг сўзларини келтиради Marca.
