Madridning «Real» klubi yarim himoyachisi Jud Bellingem muvaffaqiyatli debyutidan so‘ng jurnalistlar bilan suhbatlashdi.
20 yoshli ingliz futbolchisi 36-daqiqada «qaymoqranglilar»ning ikkinchi golini urib, jamoasining «Atletik» ustidan 2:0 hisobida g‘alaba qozonishiga muhim hissa qo‘shdi.
«Maxsus kecha. Eng muhimi, g‘alaba qozondik. Barcha jamoadoshlarim bilan o‘zimni juda qulay his qildim.
Bugun biz ustunlik qildik, vaziyatlar yaratdik, ammo ikkinchi bo‘limda kurash ko‘proq bo‘ldi. Gol bilan bo‘lgan epizodda menga biroz omad kulib boqdi: to‘pni unchalik to‘g‘ri yo‘llaganim yo‘q, ammo, xayriyatki, u baribir darvozaga kirdi», - deya Bellingemning so‘zlarini keltiradi Marca.
