Мадриднинг “Реал” клуби ҳужумчиси Родриго жамоадоши Жуд Беллингем ҳақида фикр билдирди.
Айнан Родриго ва Беллингемнинг голлари "қаймоқранглилар"га Ла Лига - 2023/24 йилги мавсум 1-тури доирасидаги сафарда "Атлетик"ни (2:0) мағлуб этишга ёрдам берди. Бразилиялик футболчи ўйиннинг 28-дақиқасида ҳисобни очган бўлса, атиги 8 дақиқадан сўнг инглиз футболчиси “Реал”ни ғалабасини мустаҳкамлади.
"Беллингем билан бирга ўйнаганимдан жуда хурсандман", - деди ўйиндан кейин Родриго. "Жуд - ҳақиқий юлдуз", - дея бразилияликдан иқтибос келтиради Madrid Zone.
Жуд Беллингем "Реал Мадрид"нинг Эден Азардан кейин иккинчи энг қиммат трансфери ҳисобланади. 20 ёшли ярим ҳимоячининг трансфер нархи 103 миллион еврони ташкил қилган, бироқ бонуслар фаоллаштирилса, бу сумма сезиларли даражада ошиши мумкин.
