"Манчестер Сити" "Вест Хэм" ярим ҳимоячиси Лукас Пакетанинг трансферини имкон қадар тезроқ якунламоқчи.
Премьер-лиганинг янги мавсуми илк ўйинида биринчи бўлим ўрталарида алмаштирилган "шаҳарликлар" етакчиси Кевин де Брюйне жароҳат олди. Журналист Алекс Крукнинг сўзларига кўра, бельгиялик футболчини йўқотиши муносабати билан "Манчестер Сити" Пакета билан шартнома имзолаш учун қаттиқ ҳаракат қилади. 25 ёшли бразилиялик Хосеп Гвардиола жамоасида ўйнамоқчи, аммо "Вест Хэм" ҳужумкор ярим ҳимоячини қўйиб юборишни истамаяпти.
Миш-мишларга кўра, Лукас Пакетанинг "Вест Хэм"дан "Манчестер Сити"га ўтиш нархи 100 миллион евродан ошиши мумкин.













