Суперлига 16-туридан ўрин олган «Қизилқум» – «Металлург» (0:2) учрашувидан сўнг меҳмонлар бош мураббийи Веско Стешевич ўз фикрларини билдириб ўтди.

“Бугун энг қийин ўйин бўлди. Ғалаба қозонганимиздан хурсандман. Турнир жадвалининг қуйида жойлашган жамоаларидан бироз илгариладик. Шу сабабли кайфиятимиз жуда ҳам яхши.

Ўринбоев бугун ҳужум чизиғида ҳаракат қилди. У ўзининг доимий ўрнида тўп тепди. «Металлург»нинг ўйинларига эътибор қилсангиз, у баъзида ортга қайтиб, баъзида эса чизиқлар орасида ҳаракат қилишига гувоҳ бўласиз. У биз учун жуда ҳам муҳим футболчи.

«Металлург» бир оила ва жамоа. Эронлик футболчиларни раҳбарият, селекционерлар билан биргаликда жамоага таклиф қилганмиз. Умид қиламанки, улар жамоамиз ғалабасига ўз ҳиссаларин қўшишади”, – деди Стешевич.