Мадриднинг “Реал” клуби “Валенсия”нинг грузиялик дарвозабони Гиорги Мамардашвилини ўз сафига қўшиб олишга уриниб кўрди, бироқ рад жавобини олди.
Deportes COPE Valencia'га маълум бўлишича, "қироллик" клуби дарвозабонни 25 миллионга сотиб олиш ҳуқуқи билан ижарага олиш учун беш миллион евро таклиф қилган. Бироқ, бу вариант "кўршапалаклар" га тўғри келмади ва улар рад этишди.
Мадриднинг “Реал” клуби Тибо Куртуанинг жароҳати туфайли янги дарвозабон изламоқда. Бельгиялик футболчининг тиззасининг хочсимон боғламлари шикастланган.
Ўтган мавсумда Гиорги Испания чемпионатида 38 та ўйин ўтказиб, ўз дарвозасидан 45 та гол ўтказиб юборган.
