Килиан Мбаппе "ПСЖ" билан шартномасини узайтирмаслик учун бонусдан воз кечиши мумкин.

Олдинроқ парижликлар "жуда конструктив ва ижобий музокаралар"дан сўнг ҳужумчи жамоага қайтганини маълум қилганди. Ёзда Мбаппе шартномани узайтиришни истамагани учун жамоадан четлатилганди.

The Athletic хабарига кўра, франциялик футболчи шартномасини узайтирмасдан клубда қолиш вариантини кўриб чиқмоқда, бироқ шу йилнинг 31 июлидан кейин "ПСЖ" футболчиси бўлгани учун олиши керак бўлган содиқлик бонусидан воз кечади. Аввалроқ футболчининг содиқлик бонусининг биринчи қисми 40 миллион еврони ташкил этиши хабар қилинганди.

Мбаппенинг амалдаги шартномаси 2024 йилнинг ёзига қадар мўлжалланган. "ПСЖ" шартномани 2025 йилгача узайтирмоқчи.