«Манчестер Юнайтед»нинг собиқ сардори Рой Кин «Ливерпуль» ҳужумчиси Муҳаммад Салоҳнинг АПЛ 1-турида Лондоннинг «Челси» жамоасига қарши ўйинида алмаштирилганидан сўнг норозилигига муносабат билдирди.
«Ўйин давомида футболчиларда шундай ҳиссиётлар пайдо бўлиши нормал ҳолат. Лекин сиз уни захира ўриндиғида давом эттирмаслигингиз керак.
Шунчаки ўтиринг ва жим бўлинг. Сиз буни қабул қилишингиз керак. Сиз хафа бўлишингиз мумкин, лекин уни судраб юришингиз шарт эмас.
Мен Муҳаммаддан яхшироқ ўйинчиларни кўрдим ва улар бунга яхши муносабатда бўлишган», - дея Киннинг сўзларидан иқтибос келтиради Mirror таблоиди.
