Португалиялик ҳимоячи Жоау Канселу “Манчестер Сити”дан “Барселона”га ўтишга яқин турибди. Бу ҳақда инсайдер Николо Скира ижтимоий тармоқлар орқали хабар бермоқда.
Журналистга маълум бўлишича, Испания чемпиони сотиб олиш ҳуқуқи билан футболчини ижарага олмоқчи. Томонлар ўртасидаги музокаралар якунига етди. "Барселона" бош мураббийи Хави Эрнандес Канселуни қанот ҳимоячиси сифатидаги ўрнини мустаҳкамлаш учун устувор вариант деб ҳисоблайди.
Ўтган мавсумда Жоау "Бавария"да ижара асосида ўйнаганди. Португалияликнинг трансфер нархи 50 миллион еврога баҳоланмоқда.
