"Ливерпуль" бош мураббийи Юрген Клопп "Лондон"нинг "Челси"сига (1:1) қарши АПЛ 1-тур учрашувида алмаштирилганидан сўнг жамоа ҳужумчиси Муҳаммад Салоҳнинг норозилигига изоҳ берди.
"Мен Салоҳнинг нима учун бундай муносабатда бўлганини тушунаман. Агар у ушбу учрашувда гол урганида, Премьер-лиганинг дастлабки турларида гол уриш бўйича янги рекорд ўрнатган бўларди. Бироқ, алмаштириш вақтида бу ҳақда ўйламагандим. Жамоа ҳар доим янги кучларга муҳтож. Бу эпизод ҳақида айтишим мумкин бўлган нарса шу", - дея немис мутахассисидан иқтибос келтирган BBC Sport.
АПЛ 2-тури доирасида "Ливерпуль" ўз майдонида "Борнмут"ни қабул қилади. Ўйин 19 август куни бўлиб ўтади.
