Санкт-Петербургнинг “Зенит” ва “Наполи” клубларининг собиқ бош мураббийи Лучано Спаллетти Италия терма жамоаси мураббийлиги учун курашда фаворит ҳисобланади. Бу ҳақда журналист Николо Скира ўз Twitter'ида хабар берди.
Манба берган хабарга кўра, Италия футбол федерацияси (FIGC) раҳбарияти Спалеттини афзал кўрмоқда. Мутахассис 2026 йилгача шартнома имзолаши мумкин, аммо унинг трансфери учун собиқ жамоаси "Наполи"га 3,2 миллион евро миқдорида товон пули тўлаши керак. FIGC эса товон тўламоқчи эмас. Эртага, 15 август куни ечим топиш мақсадида музокаралар бўлиб ўтади.
Эслатиб ўтамиз, аввалроқ терма жамоа билан Европа чемпиони бўлган Роберто Манчини Италия терма жамоаси бош мураббийлигидан кетганди.
