«Ноттингем Форест»нинг собиқ ярим ҳимоячиси Жесси Лингард «Вест Хэм»га ўтиши мумкин, деб ёзди журналист Дармеш Шет твиттерда.
Манбага кўра, Лингард айни дамда формасини сақлаб қолиш учун «Вест Хэм» билан машғулот ўтказмоқда. Қисқа муддатли шартнома тузиш имконияти истисно қилинмайди.
Бугун 30 ёшли инглиз футболчисининг ЦСКАга ўтиши даргумонлиги ҳақида маълумот пайдо бўлди.
Лингард ўтган мавсумда «Ноттингем Форест» сафида 20 та ўйинда майдонга тушиб, 2 та гол урган. Transfermarkt портали футболчининг нархини 8 миллион еврога баҳоламоқда.