Лондоннинг "Арсенал" клуби ҳимоячиси Юрриен Тимбер жароҳати сабаб бир неча ой майдонга туша олмайди. Бу ҳақда De Telegraf хабар бермоқда.
Манба берган хабарга кўра, "Арсенал"нинг янги футболчиси "Ноттингем Форест"га (2:1) қарши Англия Премьер-лигасининг 1-тур ўйинида хоч пайини шикастлаган. Шу сабабдан нидерландиялик футболчи яқин ойларда жамоасига ёрдам бера олмайди.
Эслатиб ўтамиз, 22 ёшли ҳимоячи жорий трансфер ойнасида “Аякс”дан “Арсенал”га ўтган эди. Янги жамоа таркибида Тимбер икки учрашувда майдонга тушди ва битта сариқ карточка олди.
Футболчининг Лондон клуби билан шартномаси 2028 йилгача мўлжалланган.