“Саутгемптон” ярим ҳимоячиси Ромео Лавиа фаолиятини Лондоннинг “Челси”сида давом эттиради, бу ҳақда ижтимоий тармоқлар орқали инсайдер Саша Тавольери маълум қилди.

Журналистнинг сўзларига кўра, 19 ёшли футболчи “аристократлар” билан етти йиллик меҳнат шартномаси тузади, у яна бир мавсумга узайтирилиши мумкин. Ромеонинг трансфери учун пойтахт клуби "авлиёлар"га 60 миллион евро тўлайди. Футболчи учун курашда “аристократлар” “Ливерпуль”дан устун келди.

Лавия ўтган мавсумда "Саутгемптон" сафида 35 та ўйинда майдонга тушиб, 1 та гол ва 1 та голли узатмани амалга оширган.