Чоршанба куни аёллар ўртасидаги жаҳон чемпионатининг иккинчи ярим финал учрашуви бўлиб ўтди. Унда Австралия ва Англия терма жамоалари финал йўлланмаси учун баҳс олиб боришди. Беллашувда Англия аёллар терма жамоаси 3:1 ҳисобида ғалабани нишонлашга муваффақ бўлишди ва турнир финалига йўл олишди.
19 август, шанба куни аёллар ўртасидаги жаҳон чемпионатида Швеция ва Австралия терма жамоалари ўртасида учинчи ўрин учун баҳс бўлиб ўтади. Эртаси куни, 20 август куни Испания ва Англия терма жамоалари ўртасида жаҳон чемпионати финали бўлиб ўтади. Айтиш керакки, испан ва инглиз аёллари ҳеч қачон жаҳон чемпионати финалида ўйнамаган.
Қўшимча қиламизки, аёллар ўртасидаги жаҳон чемпионатига Австралия ва Янги Зеландия мезбонлик қилади.
