Chorshanba kuni ayollar o‘rtasidagi jahon chempionatining ikkinchi yarim final uchrashuvi bo‘lib o‘tdi. Unda Avstraliya va Angliya terma jamoalari final yo‘llanmasi uchun bahs olib borishdi. Bellashuvda Angliya ayollar terma jamoasi 3:1 hisobida g‘alabani nishonlashga muvaffaq bo‘lishdi va turnir finaliga yo‘l olishdi.
19 avgust, shanba kuni ayollar o‘rtasidagi jahon chempionatida Shvesiya va Avstraliya terma jamoalari o‘rtasida uchinchi o‘rin uchun bahs bo‘lib o‘tadi. Ertasi kuni, 20 avgust kuni Ispaniya va Angliya terma jamoalari o‘rtasida jahon chempionati finali bo‘lib o‘tadi. Aytish kerakki, ispan va ingliz ayollari hech qachon jahon chempionati finalida o‘ynamagan.
Qo‘shimcha qilamizki, ayollar o‘rtasidagi jahon chempionatiga Avstraliya va Yangi Zelandiya mezbonlik qiladi.
