Ўзбекистон миллий чемпионатининг бу йилги мавсуми сўнгги турида ишлайдиган ҳакамлар номи маълум бўлди. Бу ҳақда ПФЛ расмий сайти хабар тарқатмоқда.

Унга кўра, чемпионликни ҳал қилиб бериши кутилаётган «Пахтакор» ва «Бухоро» жамоалари ўртасидаги учрашувни Валентин Коваленко бошқариб борадиган бўлди. Бронза медалларига жуда яқин қолган «Локомотив» буни расмийлаштириш учун «Шўртан»ни қабул қилади. Учрашувни Равшан Эрматов бошқариб бориши кўзда тутилган.

Шунингдек «Машъал» ва «Бунёдкор» учрашувида тошкентлик ҳакам Ҳасан Рўзиев ишлайдиган бўлди.

Шу ва бошқа учрашувларга тайинланган ҳакамлар билан танишинг. Ҳакамлар рўйхати ПФЛ сайтидан олинган. Эслатиб ўтамиз, Олий Лига 26-тур учрашувлари 21 ноябрь, чоршанба куни бўлиб ўтади.

Олий Лига, 26-тур
21 ноябрь, чоршанба
«Локомотив» (Тошкент) – «Шўртан» (Ғузор)
Ҳакамлар: Р. Эрматов (Тошкент), А. Расулов (Тошкент), Ж. Саидов (Тошкент), А. Рубаков (Тошкент).
Назоратчи: Ғ. Каримов (Тошкент).

«Қизилқум» (Зарафшон) – «Навбаҳор» (Наманган)
Ҳакамлар: В. Цейтлин (Тошкент), А. Снетков (Тошкент вилояти), А. Усмонов (Тошкент), Ш. Рўзиқулов (Қарши).
Назоратчи: В. Штерн (Тошкент).

«Машъал» (Муборак) – «Бунёдкор» (Тошкент)
Ҳакамлар: Х. Рўзиев (Тошкент), Х. Мирзааҳмедов (Тошкент вилояти), Р. Шояхметов (Тошкент), А. Асимов (Тошкент).
Назоратчи: Р. Серазетдинов (Тошкент).

«Андижон» (Андижон) – «Металлург» (Бекабад)
Ҳакамлар: И. Танташев (Бухоро), Н. Тошматов (Фарғона), Н. Рўзимов (Урганч), Ш. Бозоров (Наманган).
Назоратчи: И. Нехочин (Наманган).

«Пахтакор» (Тошкент) – «Бухоро» (Бухоро)
Ҳакамлар: В. Коваленко (Тошкент), Т. Абдуллаев (Тошкент), Р. Серазетдинов (Тошкент), В. Нажафалиев (Тошкент).
Назоратчи: Р. Мўминов (Тошкент).

«Нефтчи» (Фарғона) – «Олмалиқ» (Олмалиқ)
Ҳакамлар: Р. Бобомуродов (Навоий), У. Каримов (Андижон), А. Маражабов (Андижон), Д. Пислегин (Тошкент).
Назоратчи: Г. Имомов (Тошкент).

«Насаф» (Қарши) – «Динамо» (Самарқанд)
Ҳакамлар: Б. Тоғаев (Тошкент), А. Цапенко (Тошкент вилояти), О. Дачев (Тошкент), А. Эргашев (Тошкент).
Назоратчи: А. Абдуллаев (Тошкент).