Лондоннинг “Арсенал” клуби тиззасидан олган жароҳати туфайли бутун мавсумни ўтказиб юбориш хавфи остида турган ҳимоячи Юрриен Тимбер ўрнига футболчи танлашга қарор қилди. Эслатиб ўтамиз, "канонирлар" ушбу ёзда нидерландиялик учун "Аякс"га 50 миллион евро миқдорида пул тўлаган эди.
Инсайдер Фабрицио Романонинг сўзларига кўра, "Арсенал"нинг қисқа рўйхатига "Лейпциг" футболчиси Муҳаммад Симакан киритилган. 23 ёшли франциялик футболчи Германия Бундеслигасида икки мавсум ўтказди ва кўплаб топ-клубларда яхши таассурот қолдирди.
"Арсенал" ҳали Симакан учун "Лейпциг"га мурожаат қилмаган, бироқ тез орада ҳаракатларни кучайтириши мумкин. "Канонирлар" ҳали умуман олганда Тимбернинг ўрнига ўйинчи қўлга киритадими ёки йўқми, бир қарорга келмаган.
