Londonning “Arsenal” klubi tizzasidan olgan jarohati tufayli butun mavsumni o‘tkazib yuborish xavfi ostida turgan himoyachi Yurriyen Timber o‘rniga futbolchi tanlashga qaror qildi. Eslatib o‘tamiz, "kanonirlar" ushbu yozda niderlandiyalik uchun "Ayaks"ga 50 million yevro miqdorida pul to‘lagan edi.

Insayder Fabrisio Romanoning so‘zlariga ko‘ra, "Arsenal"ning qisqa ro‘yxatiga "Leypsig" futbolchisi Muhammad Simakan kiritilgan. 23 yoshli fransiyalik futbolchi Germaniya Bundesligasida ikki mavsum o‘tkazdi va ko‘plab top-klublarda yaxshi taassurot qoldirdi.

"Arsenal" hali Simakan uchun "Leypsig"ga murojaat qilmagan, biroq tez orada harakatlarni kuchaytirishi mumkin. "Kanonirlar" hali umuman olganda Timberning o‘rniga o‘yinchi qo‘lga kiritadimi yoki yo‘qmi, bir qarorga kelmagan.