"Бавария" исроиллик дарвозабон Даниэл Перецни сотиб олишга яқинлашди.
Журналист Флориан Плеттенберг хабарига кўра, "рекорд устаси" ва дарвозабон ўртасида оғзаки келишув тузилган. Қайд этилишича, янги футболчи билан шартнома 2027 йилгача ҳисоблаб чиқилади, келишувнинг ўзи эса якуний босқичда. "Бавария" Тель-Авивнинг "Маккаби"сига қўшимча тўловларни ҳисобга олмаганда икки миллион евро атрофидаги таклиф юборди.
"Маккаби" тарбияланувчиси Перец 2019 йилдан буён жамоа шарафини ҳимоя қилиб келмоқда. Transfermarkt портали 23 ёшли исроиллик футболчининг нархини 4 миллион еврога баҳоламоқда.
