"Саутгемптон" ярим ҳимоячиси Ромео Лавиа клуб мухлислари билан хайрлашди. Эслатиб ўтамиз, 19 ёшли бельгиялик футболчи бонуслар билан бирга 68 миллион евро эвазига Лондоннинг “Челси” клубига ўтиш арафасида турибди.
"Мақсадимизга эриша олмаган бўлсак ҳам, мен доимо мухлислар меҳрини ҳис қилганман. Клуб менга кўрсатган ишончни ҳеч қачон унутмайман. “Саутгемптон” доим юрагимда бўлади”, - деб пост қолдирди Лавиа ижтимоий тармоқларда.
Ромео "Саутгемптон"да бир мавсум ўтказди, унда жамоа Чемпионшипга тушиб кетди. Ярим ҳимоячи аввалроқ "Ливерпул"га ўтишдан бош тортган ва "Челси"ни танлаганди.
