Ярим ҳимоячи Ромео Лавиа Лондоннинг "Челси" клубига ўтди ва клуб билан 7 йиллик шартнома имзолади.

19 ёшли бельгиялик футболчининг трансфери бонуслар билан бирга 68 миллион еврога тушди.

Лавияга шу ёзда "Ливерпуль" ҳам қизиқиш билдирганди, бироқ "мерсисайдликлар" "Саутгемптон" билан трансфер суммаси борасида музокаралар олиб бораётган бир пайтда "Челси" тезда келишувни бузди ва "авлиёлар"нинг молиявий талабларини қондирди.

"Челси" ўтган ёзда ҳам Лавияни сотиб олмоқчи эди, бироқ футболчи "Саутгемптон" билан эндигина шартнома имзолагани учун клуби уни ҳатто 50 миллион еврога сотишдан бош тортганди.