Хабарингиз бор, эртага 21 ноябрь куни мамлакатимизда футбол бўйича чемпионатнинг сўнгги тури бўлиб ўтади. Қаршида эса "Насаф"-"Динамо" учрашувига қизғин тайёргарлик кўрилмоқда. Учрашув эртага чоршанба куни соат 14:00 да "Насаф" Марказий стадионида бошланади.
Учрашув тўлиқ "Насаф" HD КТС орқали тасвирга туширилади. Фақат ушбу ўйинни 22 ноябрь (пайшанба) куни "Спорт" телеканали орқали 14:30дан бошлаб томоша қилишингиз мумкин бўлади. Бизга, яъни сайтмизга бу ҳақда КТС гуруҳи бошлиғи ва бош режиссёри Туроб Ҳайдаров хабар бердилар. Учрашувни таниқли журналист Зафар Имомхўжаев шарҳлаб боради.
Ушбу муҳим учрашувга барча "Насаф" мухлисларини бевосита стадионга ташриф буюриб, севимли жамоамизни ва мураббийимиз Рўзиқул Бердиевни қўллаб-қувватлашга таклиф этиб қоламиз. Зеро, учрашув олдингиларига қараганда анча шиддатли ва ҳужумкор бўлиши турган гап. Шунингдек, стадионга ташриф буюрувчилар учун чипталар стадион кассаларида сотилиши ҳам бошланди.