Мадриднинг «Реал» клуби телевидение ҳуқуқларидан тушган пул тақсимотидан норози ва Ла Лига устидан судга шикоят қилди.
Аввалроқ, Ла Лигада телевидение ҳуқуқларини сотишдан тушган 130 миллион евро медиа фаоллиги билан ҳисса қўшган клубларнинг ёрдамига қараб тақсимланиши маълум бўлганди. Янги қоидага фақат «Реал Мадрид» қарши овоз берди.
«Мадрид» янги моделдан норози ва Миллий судга мурожаат қилди. Mundo Deportivo хабарига кўра «қаймоқранглилар» қоидани тўхтатиб қўйишни сўрамоқда.
Модель аллақачон Ла Лиганинг 1-тури доирасида ишлай бошлаган - камерали операторлар ечиниш хоналарига киритилган, футболчилар танаффус ва учрашувлар охирида интервью бера бошлашган.
«Реал Мадрид» эса бундай оммавий ахборот воситаларида иштирок этишдан бош тортди - Бильбаодаги «Атлетик» билан ўйин (2:0) олдидан ва кейин уларда на футболчилар, на жамоа мураббийлари қайд этилмаган.
Шу тариқа, клуб бу янгиликка эътибор бермаса, лигадан 13 миллион евро олмайди.
