Италиялик собиқ футболчи Жоржио Кьеллини Италия терма жамоаси мураббийлигидаги фаолиятини тўхтатишга қарор қилган Роберто Манчинининг истеъфоси ҳақидаги фикри билан ўртоқлашди. Кьеллинининг сўзларига кўра, Манчини терма жамоадаги беш йиллик фаолиятидан сўнг шунчаки мотивацияни йўқотган.
"Манчини кетишини кутмагандим, лекин менимча, у шунчаки мотивациясини йўқотди. Мен унга меҳнатлари учун раҳмат айтмоқчиман, у билан ишлаш жуда ёқимли, у менга жуда кўп ёрдам берди. У билан олинган ҳис-туйғулар менинг қалбимда абадий қолади", - дейди Кьеллини La Stampa нашрига.
Манчини билан Италия терма жамоаси 2021 йилги Европа чемпионлигини қўлга киритди.
